അമേരിക്കൻ സെനറ്റ് ട്രംപിന്റെ ഇറാൻ യുദ്ധ അധികാരം നിയന്ത്രിക്കാൻ വീണ്ടും പരാജയം

 

അമേരിക്കയിൽ ഇറാനെതിരെ സൈനിക നടപടി നിയന്ത്രിക്കുന്നതിനായുള്ള പ്രമേയം വീണ്ടും തള്ളിക്കളഞ്ഞു. പ്രസിഡന്റ് Donald Trumpൻറെ  സൈനിക അധികാരങ്ങൾ നിയന്ത്രിക്കാൻ ലക്ഷ്യമിട്ട പ്രമേയം അമേരിക്കൻ സെനറ്റ് അഞ്ചാം തവണയും അംഗീകരിച്ചില്ല.

ബുധനാഴ്ച നടന്ന വോട്ടെടുപ്പിൽ 46-51 എന്ന നിലയിൽ പ്രമേയം പരാജയപ്പെട്ടു. കോൺഗ്രസിന്റെ ഔദ്യോഗിക അനുമതി ഇല്ലാതെ ഇറാനെതിരെ സൈനിക നടപടി തുടരാൻ കഴിയില്ലെന്ന് നിർദ്ദേശിക്കുന്നതായിരുന്നു ഈ പ്രമേയം. ഡെമോക്രാറ്റിക് സെനറ്റർ Tammy Baldwin അവതരിപ്പിച്ച പ്രമേയം അമേരിക്കൻ സേനയെ ഇറാനുമായി ബന്ധപ്പെട്ട യുദ്ധപ്രവർത്തനങ്ങളിൽ നിന്ന് പിൻവലിക്കണമെന്ന് ആവശ്യപ്പെട്ടു.

വോട്ടെടുപ്പ് പാർട്ടി അടിസ്ഥാനത്തിൽ വിഭജിക്കപ്പെട്ടതായിരുന്നു. ഡെമോക്രാറ്റിക് പാർട്ടിയിലെ John Fetterman റിപ്പബ്ലിക്കൻ പാർട്ടിക്കൊപ്പം നിന്നപ്പോൾ, റിപ്പബ്ലിക്കൻ സെനറ്റർ Rand Paul പ്രമേയത്തെ പിന്തുണച്ചു.

ഇതിനിടെ ഇറാനുമായുള്ള സംഘർഷം ശക്തമാകുകയാണ്. “ഓപ്പറേഷൻ എപ്പിക് ഫ്യൂറി” എന്ന പേരിൽ അമേരിക്ക ഇറാനിൽ നടത്തുന്ന സൈനിക നടപടി എട്ടാം ആഴ്ചയിലേക്ക് കടന്നിരിക്കുകയാണ്. ഹോർമുസ് കടലിടുക്കിൽ വ്യാപാര കപ്പലുകൾക്ക് നേരെയുണ്ടായ ആക്രമണങ്ങളും മേഖലയിൽ സംഘർഷം വർധിപ്പിച്ചു.

ഈ സംഘർഷത്തിൽ ആയിരക്കണക്കിന് സാധാരണക്കാർ കൊല്ലപ്പെട്ടതായും, നിരവധി അമേരിക്കൻ സൈനികരും മരണപ്പെട്ടതായും റിപ്പോർട്ടുകൾ പറയുന്നു. കൂടാതെ ഗൾഫ് മേഖലയിലെ വ്യാപാര പ്രവർത്തനങ്ങളും ഗുരുതരമായി ബാധിക്കപ്പെട്ടിട്ടുണ്ട്.

പ്രമേയം തള്ളിയെങ്കിലും, വിഷയത്തിൽ ചര്‍ച്ച തുടരാനായി കൂടുതൽ പ്രമേയങ്ങൾ അവതരിപ്പിക്കുമെന്ന് ഡെമോക്രാറ്റുകൾ അറിയിച്ചു. അമേരിക്ക ഇറാനുമായി തുടരുന്ന സംഘർഷം അടുത്ത കാലത്തും ആഗോള ശ്രദ്ധാകേന്ദ്രമായി തുടരാനാണ് സാധ്യത.