ഇറാൻ വിഷയത്തിൽ നിലനിൽക്കുന്ന ഭിന്നതയെ തുടർന്ന് ജർമ്മനി, ഇറ്റലി, സ്പെയിൻ തുടങ്ങിയ യൂറോപ്യൻ രാജ്യങ്ങളിൽ നിന്നുള്ള യുഎസ് സൈനിക സാന്നിധ്യം കുറക്കുമെന്ന് യുഎസ് പ്രസിഡന്റ് ഡൊണാൾഡ് ട്രംപ് മുന്നറിയിപ്പ് നൽകി. ട്രൂത്ത് സോഷ്യൽ പ്ലാറ്റ്ഫോമിൽ നടത്തിയ പ്രസ്താവനയിൽ ജർമ്മനിയിലെ സൈനികരുടെ എണ്ണം കുറയ്ക്കാനുള്ള സാധ്യതകൾ പരിശോധിച്ചുവരികയാണെന്ന് അദ്ദേഹം അറിയിച്ചു.
തുടർന്ന്, ഇറ്റലി, സ്പെയിൻ എന്നീ രാജ്യങ്ങളിലും സൈനിക സാന്നിധ്യം പുനഃപരിശോധിക്കാമെന്ന് ട്രംപ് സൂചിപ്പിച്ചു. “ഇറ്റലി സഹായകരമായിട്ടില്ല, സ്പെയിൻ വളരെ മോശമാണ്” എന്നായിരുന്നു അദ്ദേഹത്തിന്റെ പ്രതികരണം.
ഇറാനുമായി ബന്ധപ്പെട്ട സംഘർഷങ്ങളെ കൈകാര്യം ചെയ്യുന്നതിൽ അമേരിക്കയും യൂറോപ്യൻ രാജ്യങ്ങളും തമ്മിൽ നിലപാട് വ്യത്യാസം ശക്തമായ സാഹചര്യത്തിലാണ് ഈ മുന്നറിയിപ്പ്. ജർമ്മൻ ചാൻസലർ ഫ്രിഡ്രിച്ച് മെർസ് അമേരിക്കയുടെ സമീപനത്തെ വിമർശിച്ചതും ഈ തർക്കം കൂടുതൽ രൂക്ഷമാക്കി.
യൂറോപ്യൻ നേതാക്കൾ അമേരിക്കയുടെ നയങ്ങളിൽ സ്ഥിരതയില്ലെന്ന ആശങ്കയും പ്രകടിപ്പിച്ചു. ഓരോ ദിവസവും വ്യത്യസ്ത സന്ദേശങ്ങൾ പുറത്തുവരുന്നതായി ജർമ്മൻ നേതാക്കൾ അഭിപ്രായപ്പെട്ടു.
ഇത്തരം പ്രസ്താവനകൾ നാറ്റോ സഖ്യബന്ധങ്ങളിൽ അനിശ്ചിതത്വം വർധിപ്പിക്കുന്നതോടൊപ്പം, മിഡിൽ ഈസ്റ്റ് മേഖലയിലെ തന്ത്രപരമായ ഏകോപനത്തിലും ഭിന്നതകൾ വർധിക്കുന്നുവെന്ന് നിരീക്ഷകർ പറയുന്നു.
0 അഭിപ്രായങ്ങള്